სამშენებლო კომპანია "ცენტრ პოინტის" ერთ-ერთი ხელმძღვანელი გუკა რჩეულიშვილი დაკავებულია. ამის შესახებ "ინტერპრესნიუსს" მთავარ პროკურატურაში განუცხადეს.

მათი განმარტებით, გუკა რჩეულიშვილი სამართალდამცავებს თავად არ ჩაბარებია. ამასთან, პროკურატურის ინფორმაციით, მისი აყვანა თავად რჩეულიშვილის საცხოვრებელ სახლთან მოხდა. დაკავებული შესაბამის დაწესებულებაშია გადაყვანილი.

როგორც ცნობილია, გუკა რჩეულიშვილს, ისევე როგორც მაია რჩეულიშვილს და "ცენტრ პოინტის" კიდევ ორ თანამშრომელს სასამართლომ დღეს აღკვეთის  ღონისძიების სახით პატიმრობა შეუფარდა. მაია რჩეულიშვილი სასამართლო დარბაზშივე დააპატიმრეს, ირაკლი მინდელი და სალომე ჩხენკელი კი ორი დღის წინ აიყვანეს. იმავე დღეს იყო დაგეგმილი გუკა რჩეულიშვილის დაკავებაც, თუმცა სამართალდამცავებმა მისი ადგილსამყოფელი ვერ დაადგინეს.