ვინ მიმიწვია და მეგობრებმა და არ შეიძლება, კვირიკაშვილი მეგობარი რომ იყოს?!, - ამის შესახებ ”ქართული ოცნება-დემოკრატიული საქართველოს” მაჟორიტარი დეპუტატობის კანდიდატების დასახელების ღონისძიებაზე ჟურნალისტებს გია გაჩეჩილაძემ (უცნობი) განუცხადა. მისი თქმით, მოეწონა კანდიდატები, ცხოვრობს ვაკის რაიონში და იმ კანდიდატს მისცემს ხმას, ვინც ვაკეში იქნება.

”მოწვეული სტუმრის სტატუსით ვიყავი. ვინ მომიწვია და მეგობრებმა, მათ შორის „კვირიკამ“. არ შეიძლება კვირიკაშვილი მეგობარი იყოს? მომეწონა კანდიდატები. მე ვაკის რაიონში ვცხოვრობ და იმ კანდიდატს მივცემ ვინც იქნება ვაკეში”, - განაცხადა გაჩეჩილაძემ.

პარტია „ქართულმა ოცნებამ“ გუშინ თბილისის მაჟორიტარი დეპუტატობის კანდიდატები წარადგინა. კანდიდატები მთაწმინდის პარკში გამართულ ღონისძიებაზე თავად პრემიერ-მინისტრმა გიორგი კვირიკაშვილმა დაასახელა.

პარტია „ქართული ოცნება - დემოკრატიული საქართველოს“ მაჟორიტარობის კანდიდატები არიან: 1.გლდანში, მე-20 ოლქში, კობა კობალაძე. 2. გლდანში, 21-ე ოლქში, - ლევან კობიაშვილი. 3. გლდანში, 22-ე ოლქში - ლევან კობერიძე. 4. დიდუბეში, მე-15 ოლქში - ზაზა პაპუაშვილი. 5. დიდუბეში, მე-16 ოლქში - ილია წულაია. 6.ვაკეში, მე-2 ოლქში - ბიძინა გეგიძე. 7. ვაკეში, მე-3 ოლქში - ზაზა ხუციშვილი. 8. ისანში, მე-8 ოლქში - ირაკლი აბუსერიძე. 9. ისანში, მე-9 ოლქში - დავით ჭიჭინაძე. 10. ისანში, მე-10 ოლქში - ბექა ნაცვლიშვილი. 11. კრწანისში, მე-7 ოლქში - ბექა ოდიშარია. 12. მთაწმინდაზე, 1-ელ ოლქში პარტია მხარს სალომე ზურაბიშვილის კანდიდატურას უჭერს. 13. ნაძალადევში, მე-17 ოლქში „ქართული ოცნებიდან’ კენჭს - სოფო კილაძე იყრის. 14. ნაძალადევში, მე-18 ოლქში - მიხეილ ყაველაშვილი. 15. ნაძალადევში, მე-19 ოლქში - ზაზა გაბუნია. 16. საბურთალოზე, მე-4 ოლქში - მამუკა მდინარაძე. 17. საბურთალოზე, მე-5 ოლქში - ნინო გოგუაძე. 18. საბურთალოზე, მე-6 ოლქში - ლევან გოგიჩაიშვილი. 19. სამგორში, მე-11 ოლქში - გიორგი მოსიძე. 20. სამგორში, მე-12 ოლქში - მარიამ ჯაში. 21. სამგორში, მე-13 ოლქში - შოთა ხაბარელი. 22. ჩუღურეთში, მე-14 ოლქში კი - გია ვოლსკი.