"თეთრი ხმაურის მოძრაობა" მარიხუანას "დათესვა-მოყვანისთვის" თავისუფლების აღკვეთის არაკონსტიტუციურად გამოცხადებას ითხოვს
საკონსტიტუციო სასამართლოში დღეს განმწესრიგებელი სხდომა გაიმართება, სადაც მარიხუანას "დათესვა-მოყვანისთვის" თავისუფლების აღკვეთის არაკონსტიტუციურად გამოცხადებას მოითხოვენ.
სარჩელით საკონსტიტუციო სასამართლოს "თეთრი ხმაურის მოძრაობამ" მიმართა, რომელთა უფლებებსაც კონსტიტუციური სამართლის სპეციალისტი ვახუშტი მენაბდე დაიცავს.
განმწესრიგებელი სხდომა სამ კონსტიტუციურ სარჩელზე 10:30 საათზე დაიწყება: "საქართველოს საკონსტიტუციო სასამართლოში გაიმართება N701 (მოსარჩელე - ჯამბულ გვიანიძე; მოპასუხე - საქართველოს პარლამენტი; დავის საგანი - სისხლის სამართლის კოდექსის 265-ე მუხლის მეორე ნაწილის „ა“ ქვეპუნქტი), N722 (მოსარჩელე - დავით ხომერიკი; მოპასუხე - საქართველოს პარლამენტი; დავის საგანი - ,,ნარკოტიკული საშუალებების, ფსიქოტროპული ნივთიერებების, პრეკურსორებისა და ნარკოლოგიური დახმარების შესახებ” საქართველოს კანონის დანართი #2 პუნქტი 73-ის სიტყვები: ,,10,“ ,,50“ ,,250“. სისხლის სამართლის კოდექსის 265-ე მუხლის პირველი და მეორე ნაწილები) და N725 (მოსარჩელე - ლაშა გაგიშვილი; მოპასუხე - საქართველოს პარლამენტი; დავის საგანი - სისხლის სამართლის კოდექსის 265-ე მუხლი) კონსტიტუციური სარჩელების განმწესრიგებელი სხდომა", - ინფორმაცია გამოქვეყნებულია საკონსტიტუციო სასამართლოს ვებ-გვერდეზე.
v-if="article.gallery" v-html="article.gallery"
