”ცენტრ-პოინტის” მშენებლობით დაზარალებულმა 22-მა ქალმა სააპელაციო სასამართლოს მიმდებარედ შიმშილობა დაიწყო.

როგორც ”ინტერპრესნიუსს” დაზარალებულებმა განუცხადეს, შიმშილობის გადაწყვეტილება მას შემდეგ მიიღეს, რაც მათთვის ცნობილი გახდა, რომ სააპელაციო სასამართლოში მათი საქმის განხილვა კიდევ ერთხელ გადაიდო.

”დღეს ”ცენტრ-პოინტის” საქმის განხილვა იყო ჩანიშნული. მოვედით სასამართლოში, ჩამობრძანდა მოსამართლის თანაშემწე და განგვიცხადა, რომ თურმე უფრო მნიშვნელოვანი საქმე იხილება. რას ნიშნავს, რომ უფრო მნიშვნელოვანი იხილება და ამიტომ ჩვენი ისევ გადაიდო? - ბუნებრივია, ამან აღშფოთება გამოიწვია და ხალხი აღარ აპირებს აქედან ადგომას. ჩვენ არ გვეგონა, ეს ასე სპონტანურად თუ მოხდებოდა. უბრალოდ, იმდენად აღმაშფოთებელია მოსამართლის თანაშემწის პასუხი, რომ ამ ეტაპზე სხვა გადაწყვეტილებას ვერ ვიღებთ”, - განაცხადა ”ცენტრ-პოინტის” დაზარებულმა სვეტა დანელიამ.