მწერალთა სახლი, დღეს, გამომცემლობა „დიოგენესთან“ ერთად ვახუშტი კოტეტიშვილის სახელობის პრემიის გამარჯვებულთა დაჯილდოების ღონისძიებას უმასპინძლებს. ამის შესახებ ინფორმაციას მწერალთა სახლი ავრცელებს.

მწერალთა სახლის ცნობით, ვახუშტი კოტეტიშვილის პრემია გაიცემა ორ ნომინაციაში: წიგნად გამოცემული ნათარგმნი პოეზია და ლიტერატურულ პერიოდიკაში დაბეჭდილი პოეზიის თარგმანი.

საკონკურსოდ განიხილებოდა 2016 წელს წიგნად/ელექტრონულ წიგნად გამოცემული პოეზიის თარგმანები და ლიტერატურულ პერიოდიკაში პოეზიის თარგმანის პუბლიკაციები. პრემიის ოდენობა წიგნის ნომინაციაში - 1800 ლარია, ხოლო პუბლიკაციისა - 700 ლარი.

საკონკურსოდ წარდგენილი უნდა ყოფილიყო ტექსტის პირველი გამოცემა ქართულ ენაზე;

წიგნის კონკურსზე წარდგენა შეეძლო მხოლოდ გამომცემელს;

თითოეულმა გამომცემელმა შეიძლება წარადგინოს არაუმეტეს 5 წიგნისა; თითოეული ჟურნალის/გაზეთის გამომცემელმა - 10.

გამარჯვებულს გამოავლენს ჟიური 5 წევრის შემადგენლობით.

პროექტი დაფინანსებულია კულტურისა და ძეგლთა დაცვის სამინისტროს მიერ.