საპარლამენტო უმრავლესობის ერთ-ერთი ლიდერის, მამუკა მდინარაძის განცხადებით, უმრავლესობამ პირველი მოსმენით მხარი დაუჭირა „პოზიტიურ კონსტიტუციას“.
როგორც მდინარაძემ ჟურნალისტებთან განაცხადა, ოპოზიცია იმ ცვლილებებს უწევდა ოპონირებას, რომლებიც ვენეციის კომისიის რეკომენდაციების საფუძველზე მომზადდა.
„დღეს უმრავლესობამ კიდევ ერთხელ, ერთხმად დაუჭირა მხარი და გამოუცხადა თანხმობა ძალიან პოზიტიურ და ეროვნულ კონსტიტუციას, რომელიც რეკომენდებული იყო ვენეციის კომისიის მიერ, რომელსაც ეთანხმებოდა ოპოზიცია, თუმცა საწუხაროდ, ამ დღეების განმავლობაში ამაზეც კი ოპონირება გაგვიწიეს.
ხვალ განვიხილავთ მეორე მოსმენით და ამ კვირაში, ვფიქრობთ, რომ ორი მოსმენით დავასრულებთ კენჭისყრებსაც და კანონის შესაბამისად, გაზაფხულზე იქნება მესამე მოსმენა. შესაბამისად, დასრულდება კონსტიტუციური რეფორმის ძალიან წარმატებული პროცესი,“ - განაცხადა მამუკა მდინარაძემ.