აშშ-მ გაეროს უშიშროების საბჭოში ის რეზოლუცია დაბლოკა, რომელიც იერუსალიმის სტატუსის შეცვლას არ ცნობს

ამერიკის შეერთებულმა შტატებმა გაეროს უშიშროების საბჭოში ის რეზოლუცია დაბლოკა, რომელიც არ ცნობს იერუსალიმის სტატუსის შეცვლას და ამ გადაწყვეტილების შეცვლის მოწოდებით გამოდის.

ეგვიპტის მიერ გავრცელებულ რეზოლუციის პროექტზე კენჭისყრა გუშინ გაიმართა. მას მხარი 14-მა ქვეყანამ დაუჭირა. აშშ-მა, როგორც უშიშროების საბჭოს მუდმივმა წევრმა, ვეტოს უფლება გამოიყენა.

რეზოლუციის პროექტით, „ნებისმიერი გადაწყვეტილებები და ქმედება, რომელიც ითვალისწინებს იერუსალიმის დემოგრაფიული შემადგენლისა და სტატუსის ცვლილებას, ბათილია და უნდა გაუქმდეს“.

ამერიკის წარმომადგენელმა გაეროში ნიკი ჰეილიმ რეზოლუციის პროექტს და უშიშროების საბჭოს აბსოლუტური უმრავლესობის მიერ ამ პროექტის მხარდაჭერას შეურაცხმყოფელი უწოდა.

„დღეს რასაც ვაკვირდებოდით უშიშროების საბჭოში, შეურაცხყოფაა და ეს არასოდეს მიეცემა დავიწყებას. ეს კიდევ ერთი მაგალითია იმისა, თუ რა ზიანი მოაქვს გაეროს ისრაელ-პალესტინის კონფლიქტთან დაკავშირებით, ვიდრე სიკეთე“, - განაცხადა გუშინ ჰეილიმ.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს