ნიკი ჰეილი - აშშ დაიმახსოვრებს ამ დღეს, როდესაც სხვა ქვეყნები ამერიკასთან დახმარებისთვის მოვლენ

გაერო-ში აშშ-ის ელჩმა ნიკი ჰეილიმ გენერალური ასამბლეის საგანგებო სხდომაზე გაერო-ს წევრებს მოუწოდა, ამერიკისადმი უპატივცემულობა არ გამოაჩინონ. მისი თქმით, დღევანდელი რეზოლუცია თავდასხმას წარმოადგენს აშშ-ზე და მის უფლებაზე, აწარმოოს სუვერენული პოლიტიკა.

როგორც ნიკი ჰეილიმ აღნიშნა, თითოეული ქვეყნის სუვერენული უფლებაა განსაზღვროს, თუ სად განათავსებს თავის საელჩოს. „უნდა განვაცხადო: როდესაც ჩვენ დიდი ოდენობით ფულადი წვლილი შეგვაქვს გაერო-ში, ჩვენ ასევე მოველით, რომ პატივს გვცემენ და რა ხდება?! ჩვენ გვთხოვენ გადავიხადოთ საეჭვო პრივილეგიისთვის, რომ უპატივცემულოდ მოგვექცნენ“, - განაცხადა ნიკი ჰეილიმ გენერალური ასამბლეის საგანგებო სხდომაზე სიტყვით გამოსვლისას.

მისი თქმით, დღევანდელმა რეზოლუციამ შეიძლება გამოიწვიოს ის, რომ აშშ შეწყვეტს გაერო-ს დაფინანსებას. „თუ ჩვენი ინვესტიციები წარუმატებელია, ჩვენ ვალდებულება გვაქვს ეს ინვესტიციები სხვაგვარად მოვიხმაროთ“, - განაცხადა მან.

გაერო-ში აშშ-ს ელჩმა ხაზგასმით აღნიშნა, რომ „აშშ დაიმახსოვრებს ამ დღეს, როდესაც აშშ-ს კვლავ სთხოვენ ყველაზე დიდი ფულადი შენატანი გააკეთოს გაერო-ში“. „აშშ დაიმახსოვრებს ამ დღეს, როდესაც სხვა ქვეყნები აშშ-სთან დახმარებისთვის მოვლენ“, - დასძინა მან.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 21.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით