დავით როსტომაშვილზე თავდასხმის საქმეზე პროკურატურა დამატებითი მტკიცებულებების დართვას ითხოვს

იუმორისტ დავით როსტომაშვილზე თავდასხმის საქმეზე პროკურატურა დამატებითი მტკიცებულებების დართვას ითხოვს.

როგორც საქმის პროკურორმა ბესიკ ქვარცხავამ განაცხადა, მტკიცებულება ეხება ექსპერტიზის დასკვნას.

მისივე თქმით, ექსპერტიზა ჩაუტარდა ერთ-ერთი ბრალდებულის, ზურაბ ქუთელიას მობილურ ტელეფონს.

”მიმდინარეობს მტკიცებულებების მოკვლევა, როგორც მოწმეთა ჩვენებების, ასევე წერილობითი და ნივთიერი მტკიცებულებების. დამატებითი მტკიცებულება ეხება ექპსერტიზის დასკვნას. ეს არის მობილურ ტელეფონში არსებული ინფორმაცია, მათ შორის მიმოწერა და ფოტომასალა”, - განაცხადა ბესიკ ქვარცხავვამ.

დაცვის მხარის თქმით, ისინი არ იცნობენ აღნიშნულ მტკიცებულებას და მოსამართლეს შუამდგომლობით მიმართეს, რათა გაცნობოდნენ მტკიცებულებას.

”საჭიროა გავეცნოთ მასალას. ექსპერტიზის დასკვნა თავისთავად არასრულყოფილია, თუ მას მტკიცებულება არ ახლავს. ამ მტკიცებულებას ჩვენ არ ვიცნობთ, გავეცნობით და საკუთარ პოზიციას შემდეგ სხდომაზე დავაფიქსირებთ”, - განაცხადა ზურაბ ქუთელიას ადვოკატმა ლელა ქოჩიაშვილმა.

დავით როსტომაშვილის თავდასხმის საქმეზე ბრალდებულები არიან ბექა კირვალიძე, ზურაბ ქუთელია და არტემ აგაჯანოვი.

შემდეგი სასამართლო სხდომა 11 იანვარს გაიმართება.

ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა