თბილისის საქალაქო სასამართლოს მანდატურის სამსახურმა მსახიობ გიორგი გიორგანაშვილის საქმის დასრულების შემდეგ, თორნიკე ბზიავა და ბექა წიქარიშვილი დააკავა.

მანდატურის სამსახურის ინფორმაციით, სასამართლო სხდომის დასრულების შემდეგ აღნიშნული პირების მხრიდან იყო სიტყვიერი შეურაცხყოფა საქალაქო სასამართლოს ეზოში, რაც გახდა მათი დაკავების მიზეზი. ასევე, ბექა წიქარიშვილმა და თორნიკე ბზიავამ საქალაქო სასამართლოს კარს დაკავებამდე აგური ესროლეს.

აღნიშნული ინციდენტი მას შემდეგ მოხდა, რაც მსახიობ გიორგი გიორაგანაშვილს მოსამართლე შორენა გუნცაძემ 8 წლით თავისუფლების აღკვეთა მიუსაჯა. ბექა წიქარიშვილი და თორნიკე ბზიავა თბილისის საქალაქო სასამართლოს მანდატურის სამსახურმა სასამართლოს ეზოში დააკავა.

არსებული ინფორმაციით, ისინი ადმინისტრაციული წესით არიან დაკავებულები.

როგორც მანდატურის სამსახურის წარმომადგენლები პირად საუბარში აცხადებენ, ბექა წიქარიშვილი და თორნიკე ბზიავა ადმინისტრაციული წესით არიან დაკავებული.

იხილეთ ვიდეო: გიორგი გიორგანაშვილის (ბახალას) პროცესის დასრულების შემდეგ, თორნიკე ბზიავა და ბექა წიქარიშვილი დააკავეს