ბათუმში, ევროპის მოედანზე სამოქალაქო სექტორის წარმომადგენლები და რიგითი მოქალაქეები ქვეყანაში არსებულ ნარკოპოლიტიკას აპროტესტებენ. აქციის მონაწილეების განცხადებით, ისინი მსახიობ გიორგი გიორგანაშვილს(ბახალა) მხარდამჭერას უცხადებენ.

"ხელისუფლება ნარკოდამოკიდებულ ადამიანებს რეაბილიტაციაში უნდა დაეხმაროს და მოხმარება დასჯადი არ უნდა იყოს. აქციაზე რიგითი მოქალაქეები და მსახიობ გიორგი გიორგანაშვილის ახლობლები ვიმყოფებით, რომლებიც სოლიდარობას ვუცხადებთ მას",- განაცხადა აქციის ერთ-ერთმა მონაწილემ, არჩილ გოგუძემ.

გიორგი გიორგანაშვილს თბილისის საქალაქო სასამართლომ 8 წლით თავისუფლების აღკვეთა მიუსაჯა. მსახიობს ბრალი ედება დიდი ოდენობით ნარკოტიკული ნივთიერების შეძენა-შენახვაში.