პარლამენტის შენობის წინ მიმდინარე აქციაზე აქციის მონაწილეებსა და ეკლესიის წარმომადგენელს შორის მცირე ინციდენტი მოხდა.

ერთ-ერთი მონასტრის მორჩილი აქციის მონაწილეებთან მივიდა და მათი მოთხოვნის საწინააღმდეგო მოთხოვნა გააჟღერა.

მორჩილის განცხადებით, ქვეყანაში ნარკოპოლიტიკა მკაცრი უნდა იყოს, ხოლო სასამართლოს საქმიანობაში რიგითი მოქალაქეები არ უნდა ერეოდნენ.

აღნიშნულმა განცხადებამ უკმაყოფილება გამოიწვია შეკრებილ მოქალაქეებში და მათ სასულიერო პირს ტერიტორიის დატოვება მოსთხოვეს. მოგვიანებით ინციდენტში საპატრულო პოლიცია ჩაერია და სასულიერო პირს ტერიტორია დაატოვებინეს.

პარლამენტის შენობის წინ ამ დრომდე იკრიბებიან რიგითი მოქალაქეები, რომლებიც თბილისის საქალაქო სასამართლოს მიერ მსახიობ გიორგი გიორგანაშვილის (ბახალა) წინააღმდეგ გამოტანილ განაჩენს აპროტესტებენ.