სლოგანით "ყველა ერთისთვის" ქუთაისში აქცია გაიმართა. აქცის მონაწილეები „თეთრ ხიდზე“ შეიკრიბნენ და ქვეყანაში არსებული ნარკოპოლიტიკა გააპროტესტეს.მათ მხარდაჭერა გამოუცხადეს მსახიობ გიორგი გიორგანაშვილს(ბახალა) და მისთვის შეფარდებული რვაწლიანი პატიმრობის გაუქმება მოითხოვეს.

აქციის მონაწილეების განცხადებით, უნდა შეწყდეს არაჰუმანური ნარკოპოლიტიკა.

"გადავწყვიტეთ არაჰუმანური ნარკოპოლიტიკის და პოლიციური რეჟიმის გაპროტესტება, რომლის ნათელი მაგალითია, გიორგი გიორგანაშვილის დაკავება. ჩვენი მოთხოვნაა დაუყოვნებლივ გათავისუფლდეს გიორგი გიორგანაშვილი, რომელიც ამ რეჟიმის მსხვერპლია", - განაცხადა სამოქალაქო აქტივისტმა აკაკი საღინაძემ.

მსახიობ გიორგი გიორგანაშვილს ბრალი განსაკუთრებით დიდი ოდენობით ნარკოტიკული საშუალებების შეძენა-შენახვისთვის წარუდგინეს და 8-წლიანი პატიმრობა მიუსაჯეს.