საკრებულოს თავმჯდომარის განცხადებით, ვარკეთილის მეტროს ინციდენტის გამოძიება უახლოეს დღეებში დასრულდება

თბილისის საკრებულოს თავმჯდომარის, გიორგი ტყემალაძის განცხადებით, ვარკეთილის მეტროს ინციდენტის გამოძიება უახლოეს დღეებში დასრულდება. ამის შესახებ ტყემალაძემ საკრებულოს სხდომაზე განაცხადა. ტყემალაძემ თბილისის მერიის იურიდიული საქალაქო სამსახურის უფროსს სერგო ბირკაძეს მოსთხოვა დაზუსტება, უკავშირდება თუ არა მერიიდან 4 პირის გათავისუფლება აღნიშნულ ინციდენტს.

საკითხის დაზუსტებას ითხოვდა საკრებულოს ფრაქცია "ნაციონალური მოძრაობის" წევრი ლევან ხაბეიშვილიც, რომელმაც აღნიშნა, რომ ინფორმაციის გამოთხოვის მიუხედავად, ვერ მიიღო პასუხი რა საფუძვლით გათავისუფლდა მერიის 4 თანამშრომელი. მისივე ინფორმაციით, საჯარო ინფორმაციის მიწოდების ვადები დარღვეულია.

"მეც მაინტერესებს ეს ინფორმაცია და შევუერთდები ლევან ხაბეიშვილის მოთხოვნას. მოვისმინეთ თბილისის მერის პასუხი, რომ უახლოეს დღეებში დასრულდება ვარკეთილის მეტროს გამოძიების საკითხი. გვითხარით, თუ უკავშირდება ეს საკითხი გამოძიების დასრულებას, თუ არა, იმედს ვიტოვებ, რომ მას შემდეგ, რაც გამოძიება დასრულდება, დეტალურ ინფორმაციას მოგვაწვდით გათავისუფლებებთან დაკავშირებით. ხშირად არ ხდება, რომ ჩემი და ლევანის სურვილები ერთმანეთს ემთხვევა, თუმცა ეს არის ის საკითხი, რაც გვაინტერესებს", - განაცხადა საკრებულოს თავმჯდომარემ, გიორგი ტყემალაძემ.

მეტროს სადგურ „ვარკეთილში“ 2018 წლის 30 იანვარს ე.წ. შეკიდული ჭერი ჩამოინგრა, რის შედეგადაც რამდენიმე ადამიანი დაშავდა.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი