პროექტი ,,თბილისის ისტორიები საკრებულოდან“ გრძელდება

თბილისის საკრებულოში შემეცნებით-კულტურული პროექტის ,,თბილისის ისტორიები საკრებულოდან“ ფარგლებში, ღონისძიება ,,მტკვარი-თბილისის უტყვი მემატიანე“ გაიმართა. როგორც „ინტერპრესნიუსს“ თბილისის საკრებულოდან აცნობეს, აღნიშნული პროექტი საკრებულოს თავმჯდომარის მოადგილის, მარიკა დარჩიას ინიციატივით, სხვადასხვა ისტორიით ყოველი თვის პირველ შაბათს იმართება.

მათივე ინფორმაციით, ღონისძიების ფარგლებში, მარიკა დარჩიამ საკრებულოს დეპუტატებთან ერთად, აღნიშნული თემით დაინტერესებულ სტუმრებს უმასპინძლა.

მისი განმარტებით, პროექტის მიზანი ყველა მსურველისთვის თბილისის ისტორიის გაცნობაა.

,,ეს შეხვედრები საზოგადოებისთვის თბილისის ისტორიის ნაკლებად ცნობილი ფაქტების გაცნობას ემსახურება. პროექტში ისტორიკოსები, არქიტექტორები, ხელოვანები, პოლიტიკოსები და ჩვენი დედაქალაქის ისტორიის მცოდნე ადამიანები ჩაერთვებიან, რომლებიც მოწვეულ სტუმრებს თვითმმართველობის განვითარების ეტაპებზე მნიშვნელოვან ინფორმაციას მიაწვდიან. ამდენად, მომხსენებლებს ჩვენ ყოველთვის გულისყურით ვარჩევთ ხოლმე’’,- აღნიშნა მარიკა დარჩიამ.

დღესვე, თამარ მეფის სახელობის დარბაზში თბილისში მცხოვრები ბანგლადეშელი მხატვრის- მიმო სუკხის ნამუშევრები გამოიფინა.

ღონისძიების დასასრულს, დამსწრე საზოგადოებას ისტორიულ მეცნიერებათა დოქტორმა, ეთნოლოგმა, თამილა ცაგარეიშვილმა სიტყვით მიმართა მოხსენება წაიკითხა.

საკრებულოს ინფორმაციით, პროექტი ,,თბილისის ისტორიები საკრებულოდან“ ისევ გაგრძელდება.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 22.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს