მიხეილ გიორგაძე გომბორზე მომხდარ ავარიაზე - მხოლოდ რეგულაციებით ასეთ ტრაგედიებს თავიდან ვერ ავიცილებთ

მხოლოდ რეგულაციებით ასეთ ტრაგედიებს თავიდან ვერ ავიცილებთ, - ამის შესახებ საქართველოს კულტურისა და სპორტის მინისტრმა მიხეილ გიორგაძემ ჟურნალისტებს გომბორის უღელტეხილზე მომხდარ ტრაგიკულ შემთხვევაზე დასმული კითხვის საპასუხოდ განაცხადა. როგორც გიორგაძე ამბობს, რეგულაციები ბავშვების სატრანსპორტო საშუალებებით გადაადგილების, ასევე მათი მეთვალყურეობის შესახებ შემუშავებულია, თუმცა, რეგულაციები სათანადოდ ვერ სრულდება.

„თქვენ გახსოვთ ის ტრაგედია, რომელიც ქობულეთში რამდნეიმე წლის წინ მოხდა. სწორედ ამ ტრაგედიის შემდეგ, კულტურის, სპორტის სამინისტრომ, შინაგან საქმეთა სამინისტრომ, ჯანდაცვის სამინისტრომ შეიმუშავეს ძალიან მკაფიო რეგულაციები, რომელიც ეხებოდა ბავშვების ტრანსპორტით გადაადგილებას; გამყოლებთან დაკავშირებული კრიტერიუმები იყო შემუშავებული, მოზარდების განთავსება, დაზღვევა, გამყოლების, მეთვალყურეების და მშობლების ურთიერთობის მოწესრიგება. ანუ ყველაფერი გავაკეთეთ იმისთვის, რომ მსგავსი ინცინდენტების შესაძლებლობა მინიმუმამდე დაგვეყვანა, თუმცა დამეთანხმებით, ალბათ, რომ რამდენი რეგულაციაც არ უნდა შევიმუშაოთ, როგორი ხისტი მოთხოვნებიც არ უნდა იყოს ამ რეგულაციების შესასრულებლად, თუ თითოეული ჩვენგანი მას არ შეასრულებს, თუ მშობელი არ მიაქცევს ყურადღებას იმას, რომ სამარშრუტო ტაქსში ორჯერ მეტი ბავშვი მგზავრობს, თუ მძღოლი ან სატრანსპორტო კომპანია ტრანსპორტის გამართულობას არ უზრუნველყოფს, თუ პედაგოგი, სკოლის დირექტორი ამ რეგულაციების ზედმიწევნით ზუსტად შესრულებას არ მიაქცევს ყურადღებას, მაშინ, რა თქმა უნდა, მხოლოდ რეგულაციებით ასეთ ტრაგედიებს თავიდან ვერ ავიცილებთ. გამოსავალი არის იმ წესების დაცვა, რომელიც ამა თუ იმ სფეროშია შემუშავებული. ვწუხვარ ამ ტრაგედიის გამო და ვუსამძიმრებ დაზარალებულების და დაღუპულების ოჯახებს“, - განაცხადა გიორგაძემ.

შეგახსენებთ, რომ 2 დღის წინ გომბორის უღელტეხილზე ავტოავარია მოხდა, რომელსაც თბილისის 175-ე სკოლის ერთი მოსწავლე და სამი მშობელი ემსხვერპლა. ისინი კახეთში ექსკურსიაზე მიდიოდნენ.

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ანა დოლიძე - მჯერა, რომ უკეთესი საქართველოსთვის ბრძოლას  აქვს აზრი
პარტია „რეფორმერის“ თავმჯდომარე თორნიკე ჯანაშვილი - შევქმენით პრეცენდენტი, თუ როგორ შეიძლება აწარმოო თანამედროვე პოლიტიკური საარჩევნო კამპანია
ჟურნალისტური ეთიკის ქარტიის გადაწყვეტილებით დადგინდა, რომ "მთავარი არხისა" და "TV 1"-ს ჟურნალისტებმა არქის შვილობილ კომპანიასთან მიმართებაში ცრუ ინფორმაცია გაავრცელეს
Colliers International Georgia-მ მტკვრის მარცხენა სანაპიროს უძრავი ქონების ფუნქციური ანალიზი განახორციელა
ნანა დევდარიანი - გაუპატიურების, ძალადობის, ცემის, წამების ამსახველი კადრები არავის დავიწყებია (R)
არჩილ ბენიძე - მწამებლებისა და მკვლელების დასჯა ერთადერთ პარტიას - "პატრიოტთა ალიანსს" შეუძლია (R)
„სილქფესტი“ მომხმარებლებს სასაუბრო და ინტერნეტ პაკეტებზე ულიმიტო პირობებს შესთავაზებს
ექსპოჯორჯია აგრო ექსპორტის ფორუმს, ონლაინ - B2B ფორმატში გამართავს
ირმა ინაშვილი - "ქართული ოცნება" დამნაშავეა იმაში, რომ წლების მანძილზე ხელს აფარებდა დამნაშავეებს (R)
გიორგი ლომია - ციხის კადრებში ნათლად ჩანს, რომ პატიმრების წამებაში მთელი სისტემა იყო ჩართული (R)
ირმა ინაშვილი - "ნაციონალური მოძრაობა" ისტორიას და ფაქტებს ვერ წაშლის, რადგან ხალხს ყველაფერი ახსოვს (R)