ბათუმში 4 წლის გოგონას მკვლელობის ბრალდებით დაკავებულ უზბეკეთის მოქალაქეს პატიმრობა შეეფარდა

ბათუმში 4 წლის გოგონას მკვლელობის ბრალდებით დაკავებულ უზბეკეთის მოქალაქეს ბათუმის საქალაქო სასამართლომ აღკვეთის ღონისძიების სახით პატიმრობა შეუფარდა. აღნიშნული გადაწვეტილება მოსამართლე გიორგი გრატიაშვილმა მიიღო.

როგორც ბრალდებულის ადვოკატი აცხადებს, მისი დაცვის ქვეშ მყოფი დუმილის უფლებას იყენებს. ბრალდების მხარე კი დღევანდელ პროცესზე საქმის დამამძიმებელი გარემოებებიდან გამომდინარე აღნიშნული პირის პატიმრობაში დატოვებას ითხოვდა.

გუშინ, ბათუმში, აეროპორტის გზატკეცილზე ერთ-ერთ დასახლებაში 4 წლის გოგონა დედის მეგობარმა, სავარაუდოდ, ცემის შედეგად მოკლა, გარდაცვლილი ბავშვის ცხედარი პოლიციის განყოფილებაში მიიტანა და სამართალდამცველებს ჩაბარდა.

ფაქტზე საქართველოს შინაგან საქმეთა სამინისტრომ გამოძიება "სისხლის სამართლის კოდექსის" 109-ე მუხლით დაიწყო, რაც დამამძიმებელ გარემოებაში განზრახ მკვლელობას გულისხმობს.

ქალს, რომელმაც ბათუმში 4 წლის გოგონას ცემით მოკლა, პატიმრობა შეეფარდა

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა