ჭავჭავაძის #33-ში, ყოფილი სკვერისა და სტადიონის ტერიტორიაზე კორპუსის მშენებლობა ადგილობრივმა მცხოვრებლებმა გააპროტესტეს

ჭავჭავაძის #33-ში, ყოფილი სკვერისა და სტადიონის ტერიტორიაზე კორპუსის მშენებლობა ადგილობრივმა მცხოვრებლებმა კიდევ ერთხელ, აქციით გააპროტესტეს. აქციაზე მერობის ყოფილი კანდიდატი, ალეკო ელისაშვილი იმყოფებოდა.

როგორც აქციის მონაწილეები აცხადებენ, ყოფილი სკვერისა და სპორტული მოედნის ტერიტორიაზე მშენებლობა 2012 წლიდან დაიწყო და რამდენჯერმე შეჩერდა. მათივე განცხადებით, სასამართლომ მშენებელ კომპანიას K2-ის კოეფიციენტთან დაკავშირებით 22-სართულიანი შენობის აგება აუკრძალა, თუმცა 2018 წლის თებერვლიდან ადგილზე მშენებლობა კვლავ განახლდა.

“აღნიშნული სამშენებლო კომპანია დანაშაულებრივი ორგანიზაციაა, რომელმაც მოახერხა აქ მდებარე სტადიონისა და სკვერის შესყიდვა. როგორ შეძლო ეს, დღემდე ჩვენთვისაც გაუგებარია. მშენებლობა ყოველგვარი უსაფრთხოების ნორმების დაცვის გარეშე მიმდინარეობს. აქ არის გაზგამანაწილებელი, რომლისგანაც არსებული კანონებით მინიმუმ 10 მეტრით უნდა იყოს დაშორებული, რაც არ სრულდება. მშენებლობის პროცესი გაზგამანაწილებელთან მიბჯენით ხორციელდება. ერთ კვადრატული მეტრიც კი არ გააჩნია შენობას, რომ რაიმე წითელ ხაზებში საკუთარი ინფრასტრუქტურა ჰქონდეს“, - განაცხადა ადგილობრივმა მცხოვრებმა გიორგი ანდრიაძემ.

მერობის ყოფილმა კანდიდატმა ალეკო ელისაშვილმა თბილისის მერს, კახი კალაძეს მოსახლეობის პრობლემებით დაინტერესებისკენ მოუწოდა. “ჩვენ კალაძე გვპირდებოდა, რომ შეჩერდებოდა უბანული სუიციდი, ქალაქი სიცოცხლით გაივსებოდა, რაც ვერ გაბედა უგულავამ და ნარმანიამ, დღეს იმას ბედავს კალაძე. მოვიდეს აქ თავისი სელფის ჯოხით და ჩართვა განახორციელოს აქედან. ნახოს, რა ხდება აქ, ზღაპრებს რომ ყვება“, - განაცხადა ალეკო ელისაშვილმა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს