პროკურორი - პოლიციელი ბუტა ანთაძე სამსახურებრივ მოვალეობას ასრულებდა, როდესაც ბრალდებულმა სასიკვდილო ჭრილობა მიაყენა

პოლიციელი ბუტა ანთაძე სამსახურებრივ მოვალეობას ასრულებდა, როდესაც ბრალდებულმა სასიკვდილო ჭრილობა დანით მიაყენა,- ამის შესახებ პროკურორმა ფრიდონ ქარცივაძემ ბათუმის საქალაქო სასამართლოს სხდომაზე განაცხადა.

როგორც პროკურორმა აღნიშნა, ნასვამ მდგომარეობაში მყოფი ბესიკ ტაკიძე სამართალდამცავებს ხელს უშლიდა. მისივე თქმით, პოლიციელმა ბუტა ანთაძემ ბრალდებულს მოუწოდა, რომ ტერიტორიიდან წასულიყო, თუცა ბესიკ ტაკიძე პოლიციელის მოთხოვნას არ დაემორჩილა, გაღიზიანდა და მას სასიკვდილო ჭრილობა მიაყენა.

"16 ივნისს, სოფელ გვარაში, რა დროსაც არაგაბარიტული ტვირთის გადაზიდვის პროცესი მიმდინარეობდა, ბუტა ანთაძე სამსახურეობრივ მოვალეობას ასრულებდა. დაახლოებით ღამის 3 საათზე ნასვამ მდგომარეობაში მყოფი პირი ტვირთის უსაფრთხო გადაზიდვას ხელს უშლიდა. პოლიციის უფროსი ტაკიძეს მოუწოდებდა არ შეეშალა ხელი ტვირთის უსაფრთხოდ გადაზიდვაში, რაზეც ბრალდებული გაღიზიანდა, მოულოდნელად პოლიციელს თავს დაესხა და სამზარეულოს დანით სასიკვდილო ჭრილობები მიაყენა. ბრალი 16-დან 20 წლამდე ან უვადო პატიმრობას ითვალისწინებს",- განაცხადა ფრიდონ ქარცივაძემ.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 21.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა