"ჯორჯიან მანგანეზმა" ზესტაფონს დასუფთავებისთვის საჭირო ძვირადღირებული ტექნიკა შეუძინა

"ჯორჯიან მანგანეზმა" კომპანიის მმართველის, ნიკოლოზ ჩიქოვანის გადაწყვეტილებით, ზესტაფონის მუნიციპალიტეტს HOWO -ს ფირმის, დასუფთავებისთვის საჭირო სპეციალური ტექნიკა შეუძინა.

როგორც კომპანიაში აცხადებენ, სპეცტექნიკის ძარის ქვეშ განთავსებულია დასუფთავების მბრუნავი მოწყობილობა, რომლითაც ტერიტორია დამატებთი რესურსების გამოყენების გარეშე სუფთავდება.

როგორც „ჯორჯიან მანგანეზის“ მმართველმა, ნიკოლოზ ჩიქოვანმა განაცხადა, კომპანია ყოველთვის მზადაა, ზესტაფონის მუნიციპალიტეტის ხელმძღვანელობას ქალაქის მოვლა -პატრონობაში დაეხმაროს.

მისი თქმით, დასუფთავების სპეციალური ტექნიკის შეძენაც სწორედ ამ დამოკიდებულების გამოხატულებაა.

„კომპანია „ჯორჯიან მანგანეზისთვის“ სოციალური პასუხისმგებლობა ერთ-ერთი მნიშვნელოვანი ფაქტორია, შესაბამისად, ჩვენ აქტიურად ვცდილობთ, წვლილი შევიტანოთ ზესტაფონის განვითარებაში. აღნიშნული მანქანის გამოყენებით, ქალაქის დასუფთავება კიდევ უფრო გამარტივდება“, - აღნიშნა ნიკოლოზ ჩიქოვანმა.

თავის მხრივ, ზესტაფონის მერმა კახაბერ მახათაძემ განაცხადა, რომ "ჯორჯიან მანგანეზი" ზესტაფონის მუნიციპალიტეტის მუდმივი პარტნიორია ყველა პროგრესულ წამოწყებაში. მერმა კომპანიას მადლობა გადაუხადა.

"ჯორჯიან მანგანეზი" ზესტაფონის მუნიციპალიტეტის მუდმივი პარტნიორია ყველა პროგრესულ წამოწყებაში და ამ შემთხვევაშიც, ქალაქის დასუფთავებაზე ზრუნვა ერთ-ერთი მთავარი პრიორიტეტია. მადლობას ვუხდით მათ გვერდში ასე დგომისთვის", -განაცხადა კახაბერ მახათაძემ.

"ჯორჯიან მანგანეზის“ მიერ ზესტაფონის მუნიციპალიტეტისთვის შეძენილი ტექნიკის ( HUWO 4X2 Road Sweeping Truck) ღირებულებაა 103 137, 65 ლარი. აღნიშნული მანქანით ქალაქის დასუფთავება უახლოეს დღეებში დაიწყება.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს