ავსტრია მზად არის აშშ-რუსეთის პრეზიდენტების შეხვედრას უმასპინძლოს, თუმცა ასეთი შეხვედრის ორგანიზების კონკრეტული გეგმები არ არსებობს. ამის შესახებ ავსტრიის ვიცე-კანცლერმა ჰაინც-კრისტიან შტრახემ ტელეარხ Россия 24-თან ინტერვიუში განაცხადა.

„ჩვენ უსაფრთხო და ნეიტრალური ქვეყანა ვართ. ეს გვაძლევს შესაძლებლობას, ჩვენს ტერიტორიაზე ასეთი სახის შეხვედრები ჩავატაროთ. ჩვენ მზად ვართ ასეთი შეხვედრის ორგანიზებაში წვლილი შევიტანოთ, თუმცა მიიღებენ თუ არა მხარეები ჩვენს წინადადებას - ეს ჩვენზე არაა დამოკიდებული“, - განაცხადა შტრახემ.