ახმედ ჩატაევისა და ბერი გაბრიელ სალოსის ქუჩაზე ლიკვიდირებული კიდევ ორი პირის ცხედარი ამ დრომდე სამხარაულის ექსპერტიზის ბიუროში ინახება

ახმედ ჩატაევისა და ბერი გაბრიელ სალოსის ქუჩაზე ლიკვიდირებული კიდევ ორი პირის ცხედარი ამ დრომდე სამხარაულის ექსპერტიზის ბიუროში ინახება.

6 თვის განმავლობაში სახელმწიფოსთვის ცხედრების გადაცემის მოთხოვნით არავის, მათ შორის არც ჩატაევის ოჯახს მიუმართავს. ცხედრების დაკრძალვასთან დაკავშირებით ამ დრომდე გადაწყვეტილება არ მიუღია არც სახელმწიფოს.

როგორც „ინტერპრესნიუსს“ ტერორისტულ ორგანიზაციაში პირების გაერთიანებასთან დაკავშირებული საქმის პროკურორმა ნანა ხუნჯუამ განუცხადა, ამ ეტაპზე იდენტიფიცირებისთვის კვლევა მხოლოდ ერთ ცხედარს უტარდება.

„საექსპერტო ბიუროშია შენახული სპეცოპერაციისას ლიკვიდირებული პირების, მათ შორის ახმედ ჩატაევის ცხედრები. ერთ-ერთი პირის ცხედარზე იდენტიფიცირების მიზნით კვლევა გრძელდება. შესაბამისად, არ დასრულებულა იდენტიფიცირება. ორი პირი ნამდვილად იდენტიფიცირებულია. მსურველისა და ოჯახის წევრების გამოჩენის შემთხვევაში, გადაცემაზე თავად საექსპერტო ბიუროში ხდება გადაწყვეტილების მიღება, რა თქმა უნდა, საგამოძიებო ორგანოსთან შეთანხმებით. სხვა შემთხვევაში კი უკვე სახელმწიფო იღებს შესაბამის ზომებს დაკრძალვის თაობაზე“, - განაცხადა ნანა ხუნჯუამ.

თავის მხრივ, "ინტერპრესნიუსს" სამხარაულის ექსპერტიზის ბიუროში განუცხადეს, რომ ბიუროში, როგორც გამოძიების მიერ დანიშნული ექსპერტიზა, ასევე გვამის განთავსება უფასოა და სახელმწიფოს ამ შემთხვევაში არაფრის გადახდა არ უწევს.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს