ზვიად კუპრავა - პარლამენტის საგამოძიებო კომისიამ ღიად, ლანგარზე აჩვენა ის, რაზეც ჩვენ ექვსი თვის განმავლობაში ვლაპარაკობდით

პარლამენტის საგამოძიებო კომისიამ ღიად, ლანგარზე აჩვენა ის, რაზეც ჩვენ ექვსი თვის განმავლობაში ვლაპარაკობდით, - ამის შესახებ "სამართალდამცველთა რეფორმირების" ხელმძღვანელმა ზვიად კუპრავამ ჟურნალისტებს განუცხადა.

მისი თქმით, პარლამენტში შექმნილ დროებით საგამოძიებო კომისიას, რომელიც ხორავას ქუჩაზე მოზარდებს შორის მომხდარ მკვლელობის საქმეს იძიებს, ენდობა და საჭიროების შემთხვევაში მზად არის, რომ კომისიის კითხვებს კვლავ უპასუხოს.

"ვენდობი კომისიას და დადებითად ვაფასებ მის საქმიანობას. კომისიამ მნიშვნელოვანი საქმე გააკეთა იმით, რომ ყველაფერი ის, რის გაჟღერებასაც ჩვენ ტრიბუნის უქონლობის გამო ვერ ვახერხებდით, სააშკარაოზე გამოიტანა. როგორც მითხრეს, ჩემი დაკითხვა დასრულებული არ არის, თუმცა მზად ვარ ნებისმიერ დროს ამისთვის", - განაცხადა კუპრავამ.

მისი თქმით, არც ზაზა სარალიძეს და არც მის მხარდამჭერებს მასშტაბური აქციისთვის კონკრეტული თარიღი არ დაუანონსებიათ.

"უბრალოდ, გავიგეთ ის, რომ "ფეისბუქის" გვერდებზე ჯგუფები, სამოქალაქო აქტივისტები და ა.შ. თავად უწევენ ორგანიზებას გარკვეულ აქციას. ჩვენ ამის წინააღმდეგნი არ ვართ, ცხადია.

ხედავთ, რომ ზაზა მარტო არის შსს-ს ეზოში და ესეც გარკვეულწილად, სიმბოლური გადაწყვეტილებაა, ანუ ზოგადად მარტო დარჩენა და ეს არის, თავიდან ბოლომდე, იმ ადამიანების პასუხისმგებლობის საკითხი, ვინც მთელი ამ კვირების განმავლობაში ბინძურ კამპანიას აწარმოებდა ზაზას წინააღმდეგ, რომ "ზაზას გვერდით ეს არის და ზაზას გვერდით ის არის". ის, რომ ეს კაცი ასე მარტოა, ამ ადამიანების შუბლის ძარღვის პასუხისმგებლობაზეა", - განაცხადა კუპრავამ.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა