ლევან არველაძე - თბილისს დახვეწილი და რეალურად განხორციელებადი გენგეგმა ექნება

თბილისის საკრებულოს წევრი ლევან არველაძე „ფეისბუქის“ საკუთარ გვერდზე დედაქალაქის მთავრობის მიერ თბილისის მიწათსარგებლობის გენერალური გეგმის დამტკიცებას ეხმაურება. როგორც დეპუტატი წერს, მერიას ზოგიერთ საკითხთან დაკავშირებით „სითი ინსტიტუტთან“ გარკვეული შენიშვნები ჰქონდა, თუმცა ერთობლივი მუშაობის შედეგად ეს ხარვეზები მაქსიმალურად აღმოფხვრილია.

„დედაქალაქის მერიამ და პროფესიული წრეების წარმომადგენელთა დიდმა ნაწილმა თავიდანვე პოზიტიურად შეაფასა „სითი ინსტიტუტის“ მიერ წარმოდგენილი გენერალური გეგმის ძირითადი კონცეფცია - მწვანე, შეკავშირებული, კომპაქტური და მედეგი ქალაქის შესახებ.

მუნიციპალიტეტს ჰქონდა გარკვეული შენიშვნები ისეთ საკითხებთან დაკავშირებით, როგორებიცაა: თემატური რუკების დახვეწა, ზონირების საკითხის მოქმედ კანონმდებლობასთან შესაბამისობაში მოყვანა, მიწის მესაკუთრეებთან დაკავშირებით რეკომენდაციების გაწერა და ა.შ. თუმცა, მუნიციპალიტეტისა და სითი ინსტიტუტის ერთობლივი და ინტენსიური მუშაობის შედეგად, ეს ხარვეზები მაქსიმალურად გათვალისწინებული და აღმოფხვრილია.

ასე რომ, მალე გვექნება დახვეწილი და რეალურად განხორციელებადი მიწათსარგებლობის გენერალური გეგმა, რომელიც თბილისს დამსახურებულ ადგილს დაუმკვიდრებს ევროპულ ქალაქებს შორის,“- წერს ლევან არველაძე.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 21.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით