მესტიის მუნიციპალიტეტის სოფელ ჭუბერში სტიქიის შედეგად დაზარალებულ მოსახლეობას ფქვილი, საკვები პროდუქტები, ჰიგიენის საშუალებები, პირველადი მოხმარების ნივთები და წყალი ურიგდება.

როგორც „ინტერპრესნიუსს“ ზუგდიდის მერიიდან აცნობეს, საგანგებო შტაბს პროდუქტები სხვადასხვა ორგანიზაციებმა, მათ შორის სამეგრელოს ყველა მუნიციპალიტეტის მერიამ გადასცა. მათივე ინფორმაციით, სტიქიის ზონაში დაზარალებულებისთვის პროდუქტების დარიგება სისტემატიურად, საჭიროებების არსებობამდე გაგრძელდება.