საქართველოს პარლამენტის ყოფილი თავმჯდომარე, პრეზიდენტობის კანდიდატი დავით უსუფაშვილი NDI-ის კვლევის შედეგებს საგანგაშოს უწოდებს. როგორც უსუფაშვილმა „პალიტრანიუსის“ გადაცემაში „360 გრადუსი“ განაცხადა, ყველა პოლიტიკოსისთვის მნიშვნელოვანი გზავნილია, რომ მოსახლეობის უმეტესობას პოლიტიკურ პარტიებთან და ჯგუფებთან გაუცხოება აქვს. “შენების მოძრობის” ლიდერის თქმით, ეს ზიანს აყენებს დემოკრატიულ სახელმწიფოებრიობას

“NDI-ის ბოლო კვლევა მიანიშნებს იმაზე, რომ ჩვენი ქვეყნისთვის ყველაზე საშიში ტენდენცია, მოსახლეობის დიდი ნაწილის გაუცხოება პოლიტიკურ-საჯარო პროცესთან გრძელდება და ღრმავდება. როდესაც არჩევნებამდე ორი თვით ადრე 75% არ არის ნათელი, თუ ვის დაუჭერს მხარს, ეს ცუდ რამეზე მეტყველებს, რადგან დამოუკიდებელი, დემოკრატიული სახელმწიფოებრიობა შეუძლებელია მოქალაქეთა აქტიურობის გარეშე. ეს გზავნილი საგანგაშოა ყველა პოლიტიკოსისთვის”, - განაცხადა დავით უსუფაშვილმა.