„ენერგო-პრო ჯორჯიას“ აბონენტების ნაწილს, 27 აგვისტოს გეგმური სარეაბილიტაციო სამუშაოების გამო ელექტროენერგიის მიწოდება შეეზღუდება.

როგორც „ინტერპრესნიუსს“ კომპანია „ენერგო-პრო ჯორჯიადან“ აცნობეს, ქსელის გეგმური სარეაბილიტაციო სამუშაოების გამო, 27 აგვისტოს, 11:00 საათიდან 18:00 საათამდე, ელექტროენერგიის მიწოდება შეეზღუდება 865 აბონენტს დუშეთის რაიონის სოფლებში: წინა მხარი, ქვეშეთი, ხადა, სალაჯური, გვიდაქე და მიმდებარე სოფლებში; 12:00 საათიდან 15:00 საათამდე – 720 აბონენტს ყაზბეგის რაიონის სოფლებში: სნო, აჩხოტი, კარკუჩა, სტეფანწმინდა და მიმდებარე სოფლებში.

კომპანიაში აცხადებენ, რომ სარეაბილიტაციო სამუშაოების დასრულებისთანავე, ელექტროენერგიის მიწოდება ჩვეულ რეჟიმში აღდგება.