ზუგდიდში გარემოვაჭრე ადმინისტრაციული წესით დააკავეს

ზუგდიდში დღეს გარემოვაჭრე მარინა ფარულავა დააკავეს. როგორც დაკავებულის შვილმა განაცხადა, დედამისმა დაკითხვის ოთახში მცირედი თვითდაზიანება მიიყენა.

დაკავებული ამჟამად ქუთაისში, ექსპერტიზაზე გადაჰყავთ.

მარინა ფარულავასთან ერთად მომუშავე ნესტან ღულათავას ინფორმაციით, ისინი ბაზრის მიმდებარედ ტროტუარზე ვაჭრობდნენ, რა დროსაც ისინი პოლიციამ გააფრთხილა, რამდენიმე წუთში კი ერთ-ერთი დააკავეს.

შს სამინისტროს ინფორმაციით, გარემოვაჭრე ადმინისტრაციული წესით დააკავეს და გამოძიება 153 -ეს მესამე პრიმა მუხლის მეორე ნაწილით მიმდინარეობს, რაც შესაბამისი ნებართვის გარეშე გარევაჭრობას გულისხმობს. რაც შეეხება თვითდაზიანების ფაქტს, შსს-ს განმარტებით, სამართალდამცველებმა ადგილზე სასწრაფო სამედიცინო დახმარება გამოძახეს. გაირკვა, რომ გარემოვაჭრეს ერთი ზედაპირული ნაკაწრი აღენიშნება ხელის არეში და ჰოსპიტალიზაციას არ საჭიროებს.