იმერეთის გუბერნატორი რეგიონის ყველა მუნიციპალიტეტში საბჭოების შექმნას გეგმავს

იმერეთში სახელმწიფო რწმუნებულ-გუბერნატორი შავლეგო ტაბატაძე მუნიციპალიტეტებში საბჭოების შექმნის ინიციატივით გამოდის. აღნიშნულ საბჭოებში სხვადასხვა სფეროში მოღვაწე ადამიანები გაწევრიანდებიან და საკუთარი მუნიციპალიტეტის მართვაში ჩაერთვებიან.

იმერეთის გუბერნატორის თქმით, რეგიონს სტრატეგიული განვითარების გეგმა სჭირდება. "რეგიონს სჭირდება სტრატეგიული განვითარების გეგმა. აუცილებელია ამ გეგმის შექმნაზე სამუშაო ჯგუფმა მალევე დაიწყოს მუშაობა. ამასთან, უნდა შეიქმნას მუნიციპალიტეტების საბჭოები, რათა გაიზარდოს მართვაში ადგილობრივი მცხოვრებლების ჩართულობა", -განუცხადა „ინტერპრესნიუსს“ გუბერნატორმა.

იმერეთის გუბერნატორის თქმით, 12-ვე მუნიციპალიტეტში ინფრასტრუქტურული პროექტების მონიტორინგსაც დაიწყებს.