ქუთაისის მერია სკვერების მოწყობას აგრძელებს. ჭავჭავაძის გამზირზე N 37-თან, „მაკდონალდსის“ მიმდებარე ტერიტორიაზე გამწვანების მოსამზადებელი სამუშაოები მიმდინარეობს.

ქუთაისის მერიის კეთილმოწყობის სამსახურის წარმომადგენლების მიერ ნიადაგი მზადდება, სადაც შესაბამის სეზონზე მწვანე ნარგავები განთავსდება.

„ჩვენ მოსახლეობას დავპირდით, რომ ქალაქში სკვერების გასხვისების და მშენებლობის ნებართვის გაცემის პრაქტიკა დასრულდებოდა. ქალაქს სჭირდება ბევრი სკვერი და მეტი მწვანე ზოლი. ამ დაპირებას მოსახლეობას აუცილებლად შევუსრულებთ. უკვე მიმდინარეობს ჭავჭავაძის გამზირზე ნიადაგის მომზადება და მალე მწვანე ზოლიც მოეწყობა", -განაცხადა ქუთაისის მერმა გიორგი ჭიაღვარიამ.