აჭარის უმაღლეს საბჭოში მაქბულე ქოჩაკს უმასპინძლეს

აჭარის ავტონომიური რესპუბლიკის უმაღლესი საბჭოს თავმჯდომარის მოადგილე მერაბ კარანაძე და საკანონმდებლო ორგანოს დარგობრივი კომიტეტების თავმჯდომარეები ბათუმში თურქეთის გენერალურ კონსულს მაქბულე ქოჩაკს შეხვდნენ. როგორც „ინტერპრესნიუსს“ აჭარის ავტონომიური რესპუბლიკის უმაღლესი საბჭოდან აცნობეს, მაქბულე ქოჩაკი თითქმის ერთი წელია დიპლომატიური მისიით აჭარაში იმყოფება.

მათი ინფორმაციით, მხარეებმა ერთგვარად შეაჯამეს საკონსულოსა და უმაღლეს საბჭოს შორის ერთწლიანი ურთიერთობის შედეგები და სამომავლო, მჭიდრო თანამშრომლობის პერსპექტივებზე იმსჯელეს. უმაღლესი საბჭოს კომიტეტების თავმჯდომარეებმა კონსულს მადლობა გადაუხადეს ორ მეზობელ, პარტნიორ ქვეყანას შორის ურთიერთობის გაღრმავებისათვის და კონკრეტული წინადადებებით მიმართეს.

ჯანმრთელობის დაცვისა და სოციალურ საკითხთა კომიტეტის თავმჯდომარემ ნუგზარ სურმანიძემ სამედიცინო კუთხით თანამშრომლობაზე გაამახვილა ყურადღება და მაქბულე ქოჩაკს ბათუმის ინფექციური საავადმყოფოს მეორე ბლოკის რეაბილიტაციასა და რესპუბლიკური საავადმყოფოს მედიკოსების გადამზადებაში თურქეთის შესაბამის უწყებებთან შუამდგომლობის წინადადებით მიმართა.

უმაღლესი საბჭოს დარგობრივი კომიტეტების ხელმძღვანელებმა დიპლომატიური კორპუსის წარმომადგენელთან გარემოს დაცვის, მავნებლებთან ბრძოლის ერთობლივი ღონისძიებების გატარების, სოფლის მეურნეობის, კულტურის, ადამიანის უფლებების დაცვის და სხვა მნიშვნელოვანი მიმართულებებით თანამშრომლობაზე ისაუბრეს.

მაქბულე ქოჩაკმა საკანონმდებლო ორგანოს წევრებს მჭიდრო თანამშრომლობა და თანადგომა აღუთქვა.

რამაზ საყვარელიძე - პროპორციული საარჩევნო სისტემა კიდევ უფრო მარცხიანს გახდის ოპოზიციის მდგომარეობას
ქართული პრესის მიმოხილვა 05.06.2020
თედო ჯაფარიძე - არ მგონია, რომ ამერიკის "დასუსტებით" რუსეთმა ან რომელიმე სხვა ქვეყანამ საკუთარი პოზიციები გაიმაგროს
მითები და რეალობა ჰესების შესახებ
ფინკა ბანკისა და სიმბიოტიკსის თანამშრომლობა მეწარმეების დაკრედიტების მიმართულებით გრძელდება
„ვისოლში“ საწვავზე წლის მიმდინარე პერიოდში რეკორდულად დაბალი ფასები დაფიქსირდა