ხელვაჩაურის მერიაში სამარშრუტო ხაზების მძღოლებთან შეხვედრა გაიმართა. როგორც „ინტერპრესნიუსს“ ხელვაჩაურის მერიიდან აცნობეს, ხელვაჩაურის მუნიციპალიტეტისმერი ჯუმბერ ვარდმანიძე მერიის სააქტო დარბაზში #51, #56 და #57 სამარშუტო ხაზების მძღოლებს შეხვდა.
„აღნიშნული სამარშუტო ხაზები მოიცავს მარშუტს ბათუმის ცენტრალური ბაზრიდან ზანაქიძეების, შარაბიძეების და ხელვაჩაურის სოფლების მიმართულებით. მძღოლები მოითხოვდნენ ქალაქ ბათუმში მოქმედი ახალი სატრანსპორტო რეგულაციების პირობებში, დაუტოვონ უფლება იმოძრაონ ჭავჭავაძის გამზირის გავლით. მუნიციპალიტეტის მერმა მძღოლებს ბათუმის მერიის შესაბამის სამსახურებთან შუამდგომლობა გაუწია. მძღოლების შეხვედრა ბათუმის მერის მოადგილესთან და სხვა სამსახურების წარმომადგენლებთან უმოკლეს დროში დაიგეგმება“, – აცხადებენ მერიაში.