ბათუმის ბულვარში ავტომობილს ხე დაეცა

ბათუმის ბულვარში ავტომობილს ხე დაეცა. ადგილზე საგანგებო სიტუაციების მართვის სამსახურის თანამშრომლები და ბულვარის ადმინისტრაციის წარმომადგენლები იმყოფებოდნენ.

დილიდან წვიმის შედეგად დაზიანებულ ბათუმის ბულვარში გაწმენდითი სამუშაოები მიმდინარეობს.

ამასთან, წუხანდელი წვიმის შედეგად, ქობულეთში ერთ-ერთ ქუჩაზე საცხოვრებელი სახლის პირველი სართული დაიტბორა.