აჭარის მთავრობის თავმჯდომარე თორნიკე რიჟვაძე ქობულეთის მუნიციპალიტეტის სოფელ ჩაქვისთავში სახალხო დღესასწაულს დაესწრო.
როგორც „ინტერპრესნიუსს“ აჭარის ავტონომიური რესპუბლიკის მთავრობიდან აცნობეს, თორნიკე რიჟვაძემ სოფლის მოსახლეობას ჩაქვისთავობა მიულოცა.
მათივე ინფორმაციით, უკვე ტრადიციადქცეულ სახალხო ღონისძიებაზე გაიმართა კონცერტი, რომელშიც ადგილობრივი შემოქმედებითი ჯგუფები და ინდივიდუალური შემსრულებლები მონაწილეობდნენ. ასევე, გაიმართა სპორტული შეჯიბრებები, მოეწყო ხელნაკეთი ნივთებისა და ხალხური რეწვის ნიმუშების გამოფენა.
ღონისძიებას საკანონმდებლო და აღმასრულებელი ხელისუფლების წარმომადგენლებთან ერთად ქობულეთის მუნიციპალიტეტის ხელმძღვანელი პირები ესწრებოდნენ.