ხელვაჩაურის სოფელ ერგეთის მცხოვრებლები სასმელი წყლის მიწოდებას ითხოვენ. მოსახლეობა ამ წუთებში საპროტესტო აქციას მართავს.

როგორც აქციის მონაწილეებმა "ინტერპრესნიუსთან" საუბრისას ამბობენ, გასულ წელს ხელვაჩაურის მერია სოფლის მცხოვრებლებს სასმელი წყლის მიწოდებას დაჰპირდა, თუმცა უშედეგოდ. შეკრებილები ხელვაჩურის მერიას დახმარებას სთხოვენ.

"100-მდე ოჯახი ამ მდგომარეობაში ვართ. არაერთხელ მივედით ხელვაჩაურის მერიაში და ვითხოვეთ დახმარება. მეზობელი სოფლებიდან წყლის საკუთარი ძალებით მოტანა რთულია. ვითხოვთ, რომ მოგვაქციონ ყურადღება",- აცხადებენ აქციის მონაწილეები.