პოლონელი არქეოლოგი - ქუთაისში აღმოჩენილი თხრილი, შესაძლოა, ანტიკური ქალაქის არსებობის ჯერჯერობით ერთადერთი მატერიალური დადასტურება იყოს

ვარშავის უნივერსიტეტის არქეოლოგი ჯასეკ ჰამბურგი განმარტავს, რომ ქუთაისში, გორას დასახლებაში აღმოჩენილი თავდაცვითი თხრილი, შესაძლოა, გახდეს პირველი მატერიალური დადასტურება იმისა, რომ გვიანი ბრინჯაოს ხანის მნიშვნელოვანი ცენტრი - კოლხეთის ცივილიზაცია, ნამდვილად არსებობდა ამ ადგილას.

პოლონელი არქეოლოგები აცხადებენ, რომ ქუთაისი ტრადიციულად დაკავშირებულია მითიურ აიასთან - კოლხეთის დედაქალაქთან, სადაც არგონავტები ჩამოვიდნენ ოქროს საწმისის საპოვნელად, თუმცა, აღნიშნული მეცნიერების მიერ არასოდეს დამტკიცებულა.

„ქალაქი, დიდი ალბათობით, მდებარეობდა გაბაშვილის გორის გარშემო. სწორედ ამ ადგილას ვაწარმოებთ გათხრებს ამჟამად. სამწუხაროდ, მიმდებარე რელიეფი შეუქცევადადაა შეცვლილი ადამიანთა ჩარევისა და თანამედროვე მშენებლობების შედეგად. აქედან გამომდინარე, აღმოჩენილი თხრილი შესაძლოა იყოს ანტიკური ქალაქის არსებობის ჯერჯერობით ერთადერთი მატერიალური დადასტურება. თხრილი საკმაოდ დიდია - 10მ სიგანის და 6მ სიღრმის. გამოყენებული იყო ბრინჯაოს ხანის პერიოდში, დაახლოებით 3 000-3500 წლის წინ, ისევე, როგორც მოგვიანებით, ანტიკურ ხანაში, მე-6 – მე-4 საუკუნეებში ჩვ.წ.აღ“, - განმარტავს პოლონელი არქეოლოგი.

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 28.09.2020
კახა კუკავა - 7 პრიორიტეტი გვაქვს, რაც ჩვენ საარჩევნო პროგრამაშია