დღეს, ხელვაჩაურის მუნიციპალიტეტში აზიურ ფაროსანასთან ბრძოლის მესამე ეტაპი დაიწყო. ამის შესახებ „ინტერპრესნიუსს“ ხელვაჩაურის მუნიციპალიტეტის მერიიდან აცნობეს. მათი ინფორმაციით, მუნიციპალიტეტის მასშატაბით სულ 131 ფერომენის სადგური დამონტაჟდა.
„ფერომენების საშუალებით მავნე მწერების მოზიდვა და წერტილოვანი დარტყმებით მათი ლიკვიდაცია ხდება. პარალელურ რეჟიმში მიმდინარეობს მუნიციპალიტეტის სოფლის ტერიტორიების შეწამლვა მაღალი გამავლობის თერმული ნისლის გამაფრქვეველი, „ცივი შესხურების“ მეთოდით აღჭურვილი ავტომობილებით.
პრევენციული ღონისძიებები მერიის ბუნებრივი რესურსებისა და აგრარულ საკითხთა სამსახურის ორგანიზებითა და გარემოს დაცვისა და სოფლის მეურნეობის სამინისტროს ეგიდით მიმდინარეობს“, - აღნიშნულია ინფორმაციაში.