სამტრედიაში დამატებით 1000-მდე ადამიანი უწყვეტი წყალმომარაგებით ისარგებლებს
რეგიონებში წყალმომარაგების გრაფიკის გაუმჯობესებისა და წყალარინების ინფრასტრუქტურის მოწესრიგების მიზნით, რამდენიმე მუნიციპალიტეტში სარეაბილიტაციო სამუშაოები დასრულდა, - ამის შესახებ „ინტერპრესნიუსს“ რეგიონული განვითარებისა და ინფრასტრუქტურის სამინისტროდან აცნობეს.
რეგიონული განვითარებისა და ინფრასტრუქტურის სამინისტროს გაერთიანებული წყალმომარაგების კომპანიამ ამჯერად, სამტრედიაში 1000-მდე ადამიანისა და 12 საზოგადოებრივი დაწესებულების უწყვეტი სასმელი წყლით მიწოდება უზრუნველყო.
სამტრედიაში, ნახალოვკის დასახლებაში მცხოვრებ ათეულობით ოჯახს წყალმომარაგების პრობლემა წლების განმავლობაში აწუხებდა. მოძველებული ინფრასტრუქტურა ვერ უზრუნველყოფდა აბონენტებისთვის სტაბილურ წყალმომარაგებას, რის გამოც მოსახლეობა სასმელ წყალს დღე-ღამის გამვალობაში სამსაათიანი გრაფიკით იღებდა.
პრობლემის მოსაგვარებლად, კომპანიის საავარიო ჯგუფმა სამუშაოები დაასრულა, პროექტის ფარგლებში, ქალაქის წყალმომარაგების ქსელზე გადაერთება და მთავარ მაგისტრალზე დაზიანებების აღდგენა მოხერხდა.
