ლიეტუვას ქალაქ კედაინიაიში, რომელთანაც 2018 წლის მაისის თვეში თელავის მუნიციპალიტეტმა ურთიერთთანამშრომლობის მემორანდუმი გააფორმა, თელავის სახელობის სკვერი გაიხსნა, - ამის შესახებ „ინტერპრესნიუსს“ თელავის მუნიციპალიტეტიდან აცნობეს.

მათივე ინფორმაციით, თელავის მუნიციპალიტეტიდან სკვერის გახსნის საზეიმო ღონისძიებას ესწრებოდნენ თელავის მუნიციპალიტეტის მერის პირველი მოადგილე გიორგი თუშიშვილი და თელავის მუნიციპალიტეტის საკრებულოს თავმჯდომარე არჩილ თხლაშიძე.

თელავის მუნიციპალიტეტის მერია მადლობას უხდის ქალაქ კედაინიაის მერს საულიუს გრინკევიციუსს, კედაინიაის ვიცე-მერს ოლგა ურბონენიას, ადმინისტრაციის ხელმძღვანელს ოვიდიუს კაჩულის, არქიტექტორს ვიტაუტას კუნდროტას და ჩვენს თანაქალაქეს, ლევან სეფაშვილს.