ზესტაფონის მერია - მარგვეთისა და უბისის ეპარქიაში ღვთისმშობლის სასწაულმოქმედი ხატების ასლებია დაბრძანებული

აწყურისა და ივერიის ღვთისმშობლის სასწაულმოქმედი ხატების ასლები, რომლებიც საქართველოს კათოლიკოს-პატრიარქის, ილია II-ის ლოცვა-კურთხევით დაიწერა, მარგვეთისა და უბისის ეპარქიაში, ზესტაფონის ღვთისმშობლის მიძინების სახელობის საკათედრო ტაძარშია დაბრძანებული.

როგორც „ინტერპრესნიუსს“ ზესტაფონის მუნიციპალიტეტიდან აცნობეს, პატრიარქის ლოცვა-კურთხევით ხატებს, ერთი წლის მანძილზე, საქართველოს სხვადასხვა კუთხეებს მოატარებენ.

ზესტაფონის მუნიციპალიტეტის ინფორმაციით, სასწაულმოქმედი ხატების შემობრძანებას, მრევლთან ერთად, მარგვეთისა და უბისის ეპისკოპოსი, მეუფე მელქისედეკი, ზესტაფონის მუნიციპალიტეტის მერი კახაბერ მახათაძე და სხვა სასულიერო და საერო ხელისუფლების წარმომადგენლები დაესწრნენ.

„მოგეხსენებათ, წელს არის საიუბილეო თარიღი - საქართველოს ეკლესიის ავტოკეფალიის აღდგენის 100 წლისთავი. ასევე, ჩვენი პატრიარქის აღსაყდრებიდან 40 და დაბადებიდან 85 წლისთავი. სწორედ ამ თარიღებს ეძღვნება ეს მოვლენა. მინდა მივულოცო მრევლს ეს დიდი სიხარული. ყველას ვუსურვებ, ღვთისმშობელი ყოფილიყოს მათი მფარველი", - განაცხადა კახაბერ მახათაძემ.

ზესტაფონის ღვთისმშობლის მიძინების სახელობის საკათედრო ტაძარში ხატები ორი კვირის განმავლობაში იქნებიან დაბრძანებული და მოლოცვის საშუალება ნებისმიერ მსურველს ექნება.

ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო
ქართული პრესის მიმოხილვა 13.11.2019
მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
Volvo Art Night - ვოლვო საქართველო გლობალური მიზნების კვალდაკვალ (R)
Trade In! გადაცვალე ძველი ტექნიკა ახალში  - „ელიტ ელექტრონიქსის ახალი წამოწყება“
აღმოსავლეთ ევროპის უნივერსიტეტში საერთაშორისო სამეცნიერო ვორკშოპი - "საშიში ტრანსნაციონალური დანაშაულები და მასთან ბრძოლის ნაციონალური და ინტერნაციონალური სამართლებრივი გზები და საშუალებები” ჩატარდა
„სამ რაან სპა-ცენტრი“ ევროპის საუკეთესო სპად დასახელდა