გაერთიანებული წყალმომარაგების კომპანია - წყალტუბოში 700-მდე მცხოვრები წყალარინების ახალი სისტემით ისარგებლებს

რამდენიმე მუნიციპალიტეტში წყალარინების ინფრასტრუქტურის მოწესრიგების მიზნით სამუშაოები აქტიურად გრძელდება. ამის შესახებ ინფორმაციას გაერთიანებული წყალმომარაგების კომპანია ავრცელებს.

კომპანიის ცნობით, წყალტუბოში 8 საცხოვრებელ კორპუსში საკანალიზაციო ქსელის რეაბილიტაცია დასრულდა, რის შედეგადაც, გურამიშვილის ქუჩის 700-მდე მცხოვრებისთვის საყოფაცხოვრებო პირობები გაუმჯობესდა. ხვალიდან კი, მოსახლეობა გამართული წყალარინების სისტემით ისარგებლებს.

„აღნიშნულ დასახლებაში საკანალიზაციო ქსელი წლების განმავლობაში არ ფუნქციონირებდა. სამუშაოები რეგიონული განვითარებისა და ინფრასტრუქტურის სამინისტროს გაერთიანებული წყალმომარაგების კომპანიის წყალტუბოს სერვის-ცენტრმა განახორციელა. აგვისტოში, რამდენიმე მუნიციპალიტეტში, წყალმომარაგება-წყალარინების ინფრასტრუქტურული სამუშაოების შედეგად, მოსახლეობა სასმელი წყლის გაუმჯობესებული გრაფიკითა და ახალი საკანალიზაციო ქსელით უკვე სარგებლობს. კერძოდ, დაბა ასპინძაში 1000-ზე მეტ ადამიანს წყალმომარაგება გაუუმჯობესდა, ქუთაისში წყალარინების შიდა ქსელების გაწმენდის შედეგად, 1600 -მდე ოჯახს გამართული ინფრასტრუქტურა ემსახურება. გურჯაანში თავისუფლებისა და ფურცელაძის ქუჩებზე, წყალარინების ინფრასტრუქტურა მოეწყო, შედეგად 250 აბონენტს ახალი საკანალიზაციო სისტემა ემსახურება. ახალციხეში 750-ზე მეტი მომხმარებლისთვის წყალარინების ქსელი მოეწყო, ცაგერში მცხოვრები 800-მდე ოჯახისთვის კი სასმელი წყლის მიწოდება გაუმჯობესდა“,- ნათქვამია განცხადებაში.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ