„21-ე საუკუნეში გვინდა გზა", - ამ მოწოდებით ზესტაფონში, მერიის შენობის წინ, სოფელ საწაბლეს მოსახლეობის აქცია გაიმართა. სოფელში მცხოვრები 50-მდე ოჯახი გზის მოწესრიგებას ითხოვს.
„21-ე საუკუნეში ვითხოვთ გზას. უგზოობის გამო სოფელი იცლება და ამავე მიზეზით, სოფელში არ დადის ტრანსპორტი და სასწრაფო დახმარება, მოსახლეობას ფეხით უწევს გადაადგილება. ხელისუფლება ჩვენი პრობლემებით არ ინტერესდება”, - აცხადებენ ადგილობრივები. ისინი სოფლის გაზიფიცირებასაც ითხოვენ.
ზესტაფონის მერიაში მოსახლეობის მოთხოვნის საპასუხოდ აცხადებენ, რომ ბიუჯეტში თანხა არ აქვთ. მერის მოადგილის დავით ჩირგაძის თქმით, მიმდინარე წელს მხოლოდ, გზის მოსწორებას შეძლებენ. სამუშაოები რამდენიმე დღეში დაიწყება, საფარის დაგება მომავალ წელს არის დაგეგმილი. რაც შეეხება გაზიფიცირებას, მერიის განცხადებით, ეს "სოკარის" გადასაწყვეტია.