სამეგრელო-ზემო სვანეთის სამხარეო ადმინისტრაციაში „ძალა ერთობაშიას“ რეგიონული ლიდერის მურთაზ ზოდელავას განცხადებას გამოეხმაურნენ

სამეგრელო-ზემო სვანეთის სამხარეო ადმინისტრაციაში გაერთიანებული ოპოზიცია „ძალა ერთობაშიას“ რეგიონული ლიდერის, მურთაზ ზოდელავას განცხადებას გამოეხმაურნენ. ადმინისტრაციის ინფორმაციით, ალექსანდრე მოწერელიამ „თხილის გადამამუშავებელთა და ექსპორტიორთა ასოციაცია“ გუბერნატორად დანიშვნიდან რამდენიმე დღეში დატოვა. რაც შეეხება მოწერელიას ქონებრივ დეკლარაციას, მათი განმარტებით, ის კანონით განსაზღვრულ დროში გამოქვეყნდება.

„სამეგრელო-ზემო სვანეთის მხარის გუბერნატორმა, ალექსანდრე მოწერელიამ აღნიშნულ თანამდებობაზე დანიშვნიდან რამდენიმე დღეში დატოვა "თხილის გადამამუშავებელთა და ექსპორტიორთა ასოციაციისა“ და სხვა ორგანიზაციების ხელმძღვანელის პოზიცია. შესაბამისად, გავრცელებული ინფორმაციები გუბერნატორის თანამდებობრივ შეუთავსებლობაზე, სიმართლეს არ შეესაბამება. რაც შეეხება ალექსანდრე მოწერილიას ქონებრივ დეკლარაციას, კანონით განსაზღვრულ დროში გამოქვეყნდება", - განაცხადეს სამეგრელო-ზემო სვანეთის მხარის გუბერნატორის ადმინისტრაციაში.

გაერთიანებული ოპოზიცია „ძალა ერთობაშიას“ რეგიონული ლიდერის, მურთაზ ზოდელავას თქმით, ალექსანდრე მოწერელია, რომელიც პრემიერმა სამეგრელო-ზემო სვანეთის გუბერნატორად დანიშნა, თხილის სფეროში ბიზნესს ფლობს და დაკავებული თანამდებობა მის საქმიანობასთან შეუთავსებელია.

რამაზ საყვარელიძე - პროპორციული საარჩევნო სისტემა კიდევ უფრო მარცხიანს გახდის ოპოზიციის მდგომარეობას
ქართული პრესის მიმოხილვა 05.06.2020
თედო ჯაფარიძე - არ მგონია, რომ ამერიკის "დასუსტებით" რუსეთმა ან რომელიმე სხვა ქვეყანამ საკუთარი პოზიციები გაიმაგროს
მითები და რეალობა ჰესების შესახებ
ფინკა ბანკისა და სიმბიოტიკსის თანამშრომლობა მეწარმეების დაკრედიტების მიმართულებით გრძელდება
„ვისოლში“ საწვავზე წლის მიმდინარე პერიოდში რეკორდულად დაბალი ფასები დაფიქსირდა