ქუთაისის სამი სკოლის მოსწავლეთა ტრანსპორტირებას მერია უზრუნველყოფს

ახალი სასწავლო წლიდან, ქუთაისის სამი სკოლის მოსწავლეთა ტრანსპორტირებას ქალაქის მერია მოახდენს. საუბარია სკოლებზე, რომლებიც „ათასწლეულის გამოწვევის პროექტის“ ფარგლებში რემონტდება.

ქუთაისის მერიის ტრანსპორტის განყოფილების უფროსის ირაკლი ცხვედიანის თქმით, მერია სკოლებს აღნიშნულ მომსახურებას რემონტის პერიოდში გაუწევს.

მისივე თქმით, ტრანსპორტირებისათვის მოსწავლეებს თანხის გადახდა არ მოუწევთ.

„თანხას სრულად ანაზღაურებს ადგილობრივი ხელისუფლება. მერია მე 17-ე, 33-ე და 30-ე სკოლის 1800-მდე მოსწავლეს მოემსახურება,“ - განაცხადა ირაკლი ცხვედიანმა.

„პროექტის ფარგლებში, იმერეთში 17 სკოლა გარემონტდება, სკოლების ლაბორატორიები თანამედროვე ტექნიკით აღიჭურვება, ხოლო სასკოლო ინვენტარს სკოლებს ხელისუფლება შეუძენს. სარეაბილიტაციო სამუშაოები 15 ივნისიდან დაიწყო და ერთი წლის განმავლობაში გაგრძელდება“, - ნათქვამია მერიის ინფორმაციაში.

მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
ქართული პრესის მიმოხილვა 12.11.2019
ვახტანგ ძაბირაძე - ოპოზიციაში არ ჩანს ოპოზიციური ძალა, რომელიც ოპოზიციურად განწყობილი პოლიტიკური ძალებისა და ელექტორატის ლიდერი გახდებოდა
„სამ რაან სპა-ცენტრი“ ევროპის საუკეთესო სპად დასახელდა