ინდოეთის სამხრეთში, ტელანგანას შტატში მომლოცველების ავტობუსი ხევში გადავარდა, რის შედეგადაც სულ მცირე 32 ადამიანი დაიღუპა. ამის შესახებ Times of India ადგილობრივ ხელისუფლებაზე დაყრდნობით წერს.

მისი ინფორმაციით, შემთხვევა დღეს დილით მოხდა.

ავტობუსი, რომელშიც 62 ადამიანი იმყოფებოდა, უღელტეხილის გავლით კონდაგატუს ტაძარში მიდიოდა. სავარაუდოდ, გზის რთულ მონაკვეთზე მძღოლმა საჭეზე კონტროლი დაკარგა, ავტობუსი ოთხჯერ გადაბრუნდა და ხევში გადავარდა.

ამჟამად ავარიის ადგილზე სამაშველო ოპერაცია მიმდინარეობს, 30-მდე ადამიანის ბედი უცნობია.