პარლამენტი სახელმწიფო მნიშვნელობის სიმბოლოების შექმნასთან და გამოყენებასთან დაკავშირებით ერთიანი სამართლებრივი მექანიზმის შექმნაზე მუშაობს

საქართველოს პარლამენტის წევრის, ვანო ზარდიაშვილის ინიციატივით, პარლამენტი სახელმწიფო მნიშვნელობის სიმბოლოების შექმნასთან, დამტკიცებასა და გამოყენებასთან დაკავშირებით ერთიანი სამართლებრივი მექანიზმის შექმნაზე მუშაობს.

როგორც „ინტერპრესნიუსს“ საქართველოს პარლამენტიდან აცნობეს, აღნიშნული მექანიზმით დარეგულირდება სახელმწიფოში მოქმედი სიმბოლოების ჰერალდიკური თვალსაზრისით გამართული დიზაინის შექმნის, დამტკიცებისა და გამოყენების წესი.

„სამწუხაროდ, ხშირია შემთხვევები, როდესაც სხვადასხვა სახელმწიფო უწყების ხელმძღვანელი, სუბიექტური მოსაზრებით, დასაბუთების გარეშე ცვლის უწყებრივ სიმბოლოებს, რომლებიც ელემენტარულ ჰერალდიკურ მოთხოვნებსაც ვერ აკმაყოფილებს, ამავე დროს, არ ექცევა ყურადღება სახელმწიფო სიმბოლოების გამოყენების წესს. სწორედ ამიტომ მნიშვნელოვანია შეიქმნას ერთიანი სამართლებრივი სისტემა, რომელიც აღმოფხვრის დღეს არსებულ ხარვეზებს", - განაცხადა ვანო ზარდიაშვილმა.

პროექტის მიხედვით, სახელმწიფო მნიშვნელობის სიმბოლოს, მისი აღმართვის, გამოფენისა და გამოსახვის წესს დაამტკიცებს საჯარო დაწესებულების ხელმძღვანელი ან თვითმმართველი ერთეული წარმომადგენლობითი ორგანო, პარლამენტთან არსებული ჰერალდიკის სახელმწიფო საბჭოსთან წინასწარი კონსულტაციებისა და საბჭოს მიერ გაცემული დასკვნის საფუძველზე. ასევე, დარეგულირდება სახელმწიფოში მოქმედი სიმბოლოების ჰერალდიკური თვალსაზრისით გამართული დიზაინის შექმნის, დამტკიცებისა და გამოყენების წესი. შეიქმნება სახელმწიფოს მიერ გაცემული დოკუმენტების ერთიანი სახე. ეროვნული ბანკი, ჰერალდიკის სახელმწიფო საბჭოს მონაწილეობით იმუშავებს ფულის ნიშნების მხატვრულ სახეზე, რათა იგი შესაბამისობაში იყოს ჰერალდიკურ ნორმებთან.

კანონის პროექტი უკვე განიხილა ადამიანის უფლებათა და გარემოს დაცვის კომიტეტებმა, რომლის წევრებმაც მხარი დაუჭირეს აღნიშნული პაკეტის პლენარულ სხდომაზე გატანას. უახლოეს პერიოდში იგეგმება კანონის პროექტის განხილვა იურიდიულ საკითხთა კომიტეტის სხდომაზე.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 10.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ
დეველოპერული კომპანია "ბლოქსი" მომხმარებლებს ბინებზე გრანდიოზულ ფასდაკლებას სთავაზობს
სადაზღვევო კომპანია "ბენეფიტსი" მცირე და საშუალო ბიზნესკომპანიებს სპეციალურ პირობებს სთავაზობს
FDA-იმ IQOS-თან დაკავშირებით გადაწყვეტილება მიიღო და კომპანიის მარკეტინგის უფლება მისცა  (R)