ოთარ გრიგოლია - მერიის ხარჯებთან დაკავშირებით ოპოზიციის განცხადებები პოპულისტურია

თბილისის საკრებულოს სხდომაზე, ეკონომიკური განვითარების, საინვესტიციო პოლიტიკის და საერთაშორისო ურთიერთობების კომისიის თავმჯდომარე ოთარ გრიგოლია, მერიის მიერ გაწეულ ხარჯებთან დაკავშირებით ოპოზიციის განცხადებას გამოეხმაურა, - ამის შესახებ „ინტერპრესნიუსს“ თბილისის საკრებულოდან აცნობეს.

მისი თქმით, ოპოზიციის ბრალდებები პოპულისტურია.

„მინდა საზოგადოებას ინფორმაცია მივაწოდო ერთ დეზინფორმაციასთან, უფრო სწორად არასწორად შეფუთულ საკითხთან დაკავშირებით, რაც თბილისის მერიის წარმომადგენლობით ხარჯებს ეხება. თბილისის მერია მასპინძლობს არაერთ საერთაშორისო დონის სტუმარს და კონფერენციას, მათ შორის დიპლომატიური კორპუსისა და საერთაშორისო ბიზნესის წარმომადგენლებს. ქალაქის მერიამ ბოლო პერიოდში უმასპინძლა „ღია მმართველობის“ კონგრესს, მიიღო იტალიის პრეზიდენტი და მისი დელეგაცია. ბუნებრივია, ქალაქის მერიას აქვს წარმომადგენლობითი ხარჯები და ეს თანხები იხარჯება იმისთვის, რომ ამ ქალაქს ჰქონდეს მომავალი, შემოვიდეს დამატებითი ინვესტიციები და ქალაქის პოზიციონირება საერთაშორისო დონეზე იყოს გამჭვირვალე და ღია“, - განაცხადა ოთარ გრიგოლიამ.

მან ოპოზიციის წარმომადგენლებს წინა ხელისუფლების დროს გაწეული ხარჯები შეახსენა და კონკრეტული მაგალითებიც მოიყვანა. კერძოდ, ოთარ გრიგოლიას განცხადებით, 2012 წლის იანვარში, 95 ათასი ლარი იყო გადაყრილი აბსოლუტურად გაუგებარი მიზნებისთვის, ასევე იმავე წლის თებერვალში დახარჯული 122 ათასი ლარი იყო.

„ვერ მივიღებთ თქვენგან ამ შენიშვნას, მითუმეტეს, ამ პოპულისტურ ენას, რომელსაც იყენებთ, რომ მოსახლეობა შეცდომაში შეიყვანოთ. დიახ, ქალაქის მერიას აქვს გარკვეული ხარჯები, მაგრამ ეს არის მიზნობრივი და ქალაქის მომავალზე გათვლილი“,- დასძინა ოთარ გრიგოლიამ.

ევროკავშირის სადამკვირვებლო მისიის ხელმძღვანელი - ახლა უმთავრესი გამოწვევა დიალოგის განახლებაა, წინააღმდეგ შემთხვევაში, ვშიშობ, რომ ადგილზე გვექნება გართულებული ვითარება
ლევან ნატროშვილი - მიუხედავად იმისა, რომ საარჩევნო კოდექსში ბევრი დადებითი ცვლილება განხორციელდა, ისინი ბოლომდე ვერ პასუხობს  ეუთო/ოდირის რეკომენდაციებს
ქართული პრესის მიმოხილვა 02.07.2020
აჭარის ტურიზმის დეპარტამენტის თავმჯდომარე - მოვუწოდებ ყველა ქართველს, იმოგზაურონ ჩვენს რეგიონში, მათთვის ბევრი საინტერესო პროდუქტი გვაქვს
ვანო ჩხარტიშვილი - მამუკა ხაზარაძე დღეს მომავლის საშვის აღებას წარსულის გადაწერით ცდილობს
ძუძუს კიბო და ადრეული დიაგნოსტირების როლი მის მკურნალობაში
„თბილღვინო“ სოციალური პასუხისმგებლობის ფარგლებში შეჭირვებულ ოჯახებს ეხმარება
საუკეთესო სავალუტო კურსი ტერაბანკისგან
საქართველოში სერვისი ბინა გაქირავების გარანტიით შემოვიდა - მესაკუთრეები დაზღვევის სახით ბინის ღირებულების 5%-ს მიიღებენ
„ვისოლი“ Smart Pay ფორმატის ავტოგასამართი სადგურების ქსელს ავითარებს
Apple Pay ხალიკ ბანკი საქართველოს მომხმარებლებისთვის