ბათუმის ხელოვანთა სახლის „არგანი“ ორგანიზებით, 16-23 სექტემბერს ბათუმის კინოფესტივალი ჩატარდება. როგორც „ინტერპრესნიუსს“ აჭარის ტურიზმისა და კურორტების დეპარტამენტიდან აცნობეს, ფესტივალის ოფიციალური პარტნიორია ბათუმის მერია. კინოფესტივალის მენეჯმენტმა დაასრულა საერთაშორისო ჟიურისა და ფილმების პროგრამის ფორმირება. ფესტივალის პროგრამა მოიცავს საკონკურსო და არასაკონკურსო სექციებს. საერთაშორისო ჟიური ფილმებს შეაფასებს სამ საკონკურსო სექციაში - მხატვრული, დოკუმენტური და მოკლემეტრაჟიანი ფილმები სექციები.

კინოფესტივალის მხარდამჭერები არიან: საქართველოს კულტურის, განათლების, სპორტისა და მეცნიერების სამინისტრო, საქართველოს ეროვნული კინოცენტრი, აჭარის კულტურის სამინისტრო, აჭარის ტურიზმის და კურორტების დეპარტამენტი, საქართველოს ტურიზმის ეროვნული სააგენტო, “ბრიტანეთის საბჭო“, გოეთეს ინსტიტუტი, იტალიის საელჩო, ა.მიცკევიჩის ინსტიტუტი. კინოფესტივალის სპონსორები არიან: სასტუმრო „WYNDHAM BATUMI”, კინოთეატრი „აპოლო“, სასტუმრო „რჩეული ვილა“, სასტუმრო „Mardi Plaza”, სასტუმრო „Holland Hoek”, „HQ პროპაგანდა“, ტურკომპანია „ვანდერლენდი“, შპს „ბათუმის ავტოტრანსპორტი“, კაფე „გარდენს“, რესტორანი ECLIPSE, შპს „Legal Consulting Center“.

ფესტივალის კინოჩვენებების ლოკაციები იქნება - კინოთეატრი „აპოლო“, სასტუმრო “Wyndham”-ის საკონფერენციო დარბაზი, კინოჩვენებები ,ასევე მოეწყობა ღია ცის ქვეშ ერას მოედანზე.