მართლმადიდებლური ეკლესიიდან ირიბად მოდის რუსული გავლენა, - ამის შესახებ ევროპის და ევრაზიის საკითხებში სახელმწიფო მდივნის მოადგილემ, უეს მიტჩელმა თბილისში მიმდინარე საერთაშორისო კონფერენციაზე „მსოფლიო თავდაყირა 2018" სიტყვით გამოსვლისას განაცხადა.

„რუსეთის დეზინფორმაცია და პროპაგანდა ძლიერია. ჩვენ ვიცით რუსეთის ინსტრუმენტები, მაგრამ მზად ვართ ვებრძოლოთ. ჩვენ ვმუშაობთ და საქართველომ ძალიან დიდი ყურადღება მიაქცია სოციალურ მედიას, თუმცა არის ძალიან დიდი ძალა, მართლმადიდებელი ეკლესია და იქიდან ირიბად გადმოდის რუსული გავლენა. ამიტომ, ჩვენ უნდა გავიდეთ საზოგადოების იმ ფენებზეც, რომლებსაც არ აქვთ მაგალითად ინტერნეტი, თუ გვინდა ეს კონკურენცია მოვიგოთ", - განაცხადა მიტჩელმა.