მესტიის მერიის „კულტურის და ხელოვნების ცენტრიდან“ 25-მდე თანამშრომელი გაათავისუფლეს

მესტიის მერიის ააიპ „კულტურის და ხელოვნების ცენტრიდან“ 25-მდე თანამშრომელი გაათავისუფლეს. როგორც „ინტერპრესნიუსს“ აღნიშნული ა(ა)იპ-ს დირექტორმა გეგა ფალიანმა განუცხადა, მათი დათხოვნა კულტურის სამსახურის, ლეო ფილფანის სახელობის სახალხო, ფოლკლორის თეატრის და სახელოვნებო სკოლის გაერთიანების შემდეგ მოხდა.

„ოთხი თვეა რაც ეს სამი სამსახური გაერთიანდა და ერთი ა(ა)იპ ჩამოყალიბდა. პირველივე დღიდან ყველა თანამშრომელი მყავდა გაფრთხილებული რეორგანიზაციის შესახებ. ყველამ იცოდა, რომ არასაჭირო კადრები გაუქმდებოდა, რადგან ეს იყო მოგონილი შტატები. შეცვლილია საშტატო ნუსხა, სხვა მიმართულებით და სხვა იდეებით უნდა იმუშავოს ამ ა(ა)იპ-იმ. ახალგაზრდებით და განათლებული კადრებით უნდა იყოს დაკომპლექტებული. რა თქმა უნდა, გათავისუფლებული თანამშრომლები იქნებიან რეზერვში და როცა გამოჩნდება ისეთი შტატი, სადაც ძველი თანამშრომლები იქნებიან საჭირო, მათ აუცილებლად დავაბრუნებ“, - განაცხადა ა(ა)იპ-ს დირექტორმა გეგა ფალიანმა.

ამასთან, „კულტურისა და ხელოვნების ცენტრის“ ერთ-ერთი ყოფილი თანამშრომელის ნათია ნაცარაშვილის თქმით, ის რეორგანიზაციის შესახებ არავის გაუფრთხილებია და მისი სამსახურიდან დათხოვნის შესახებ თანამშრომლისგან რამდენიმე დღის წინ გაიგო. ნაცარაშვილი აღნიშნულ გადაწყვეტილებას უკანონოს უწოდებს და ამბობს, რომ ის სამსახურიდან ჰესების საწინააღმდეგო აქციებში მონაწილეობის გამო დაითხოვეს.

„ჩემი გათავისუფლების შესახებ რამდენიმე დღის წინ გავიგე თანამშრომლისგან. ეს გადაწყვეტილება არის უკანონო და ვთვლი, რომ ეს უკავშირდება ჩემს აქციებში მონაწილეობას. არავის არ გავუფრთხილებივარ, რომ იქნებოდა შტატების შემცირება. აგვისტოს ხელფასი არ დამრიცხვია და ჩემს თანამშრომელს ვთხოვე გაერკვია, თუ რა ხდებოდა. მიმაჩნია, რომ ჩემი გათავისუფლება არასწორი გადაწყვეტილებაა, რადგან სამსახურში ჩემზე ნაკლებად კომპეტენტური კადრები დატოვეს. როგორც ვიცი, ჩემსავით 25 თანამშრომელი გაუშვეს. ხელმძღვანელთან ჯერ არ მქონია კომუნიკაცია. გუშინ და გუშინწინ ვცდილობდი შეხვედრას, თუმცა ვერ მოვახერხე“, - აცხადებს ნათია ნაცარაშვილი.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ